சென்னை நெல்சன் மாணிக்கம் சாலையில் உள்ள சாப்ட்வியூ மீடியா காலேஜ் ஓராண்டு விசுவல் கம்யூனிகேசன் படிப்பை நடத்தி வருகிறது. அதில் பயிலும் மாணவ, மாணவியருக்கு மீடியாவில் பணிபுரிய அனைத்து தொழில்நுட்பமும் கற்பிக்கப்படுகிறது. கடந்த ஆண்டு படித்த மாணவ, மாணவியர் ஆவணப்படங்களை இயக்கியிருந்தனர்.
உடலாலும், மனத்தாலும் பாதிக்கப்பட்டு ஆதரவற்றவர்களாக இருக்கும் மனிதர்களை காக்க வேண்டும். மனிதாபிமானத்துடன் அவர்கள் வாழ வழி செய்ய வேண்டும் எனும் கருத்தினை வலியுறுத்தும் “ஸ்பாஸ்டிக்” எனும் ஆவணப்படத்தை மாணவி கே.எச். நிம்மி இயக்கியிருந்தார். இந்த ”ஸ்பாஸ்டிக்” ஆவணப்படத்தை பாடகி சுதா ரகுநாதன் வெளியிட்டார்.
தமிழர்களின் வாழ்வில் முக்கிய மரமாக திகழ்கிறது பனைமரம், வாழ்வாதார பங்கு கொண்ட பனைமரம் வளர்க்கப்பட வேண்டும். காக்கப்பட வேண்டும். தமிழறிஞர்கள் பனைமரத்தை “கற்பகத்தரு” என அழைக்கின்றனர். அதையே பெயராக வைத்து “கற்பகத்தரு” என்ற ஆவணப்படத்தை மாணவர் பி. சதீஷ்குமார் இயக்கியிருந்தார். இந்த ”கற்பகத்தரு” ஆவணப்படத்தை நடிகை சிம்ரன் வெளியிட்டார்.
* ஏற்கனவே ”கற்பகத்தரு” மற்றும் ”ஸ்பாஸ்டிக்” பற்றிய விரிவான விமர்சனம் இந்த வலைப்பக்கத்திலேயே (ஆகஸ்டு) இடம் பெற்றுள்ளது...
No comments:
Post a Comment