அக்கறையான ஆண்கள்

புதிதாய் திருமணம் செய்து கொண்ட தன் தோழி யோகேஸ்வரியிடம் அவள் தோழி நித்யபிரியா பேசுகிறாள்…

நித்யா: நல்லா இருக்கியா? உன் புருசன் பத்திரமா பாத்துக்கிறானா? சந்தோசமா இருக்கீங்களா?

யோகேஸ் : நல்லா இருக்கேன்டி, அப்பப்ப செல்லமா சண்டை போட்டுப்போம். அப்புறம் கூடிப்போம், ரொம்ப சந்தோசமா இருக்கேன். மகிழ்ச்சி!!

நித்யா: வீட்டு வேலையெல்லாம் ஒரே ஆளா பார்க்க கஷ்டமா இல்லையா?

யோகேஸ்: ஹே, அவன் ஹெல்ப் பண்றான்டி…

நித்யா: என்னது ஹெல்ப் பண்றானா? சூப்பர்பா...

யோகேஸ் : ஆமான்டி, சூப்பரா கோலம் போடுவான், பாத்திரம் கழுவி குடுப்பான்,சமையலுக்கு வெங்காயம்,தக்காளி எல்லாம் கட் பண்ணித் தருவான், ரொம்ப ஹெல்ப்பா இருக்கான்டி

நித்யா: எங்க பசங்கெல்லாம் அப்படித்தான் இருப்பாங்க, உங்கள்ள தான் நான் ஒசந்தவன் அப்படி இப்படின்னு மீசையை முறுக்கிகிட்டு திரிவாங்க, இந்தாண்ட கிடக்குறத எடுத்து அந்தாண்ட போட மாட்டானுங்க, வேலைக்கு போகாட்டியும் கூட வீட்ல இருந்துகிட்டு ஓவரா பண்ணுவாங்க, நமக்கு உடம்பு சரியில்லையின்னாக் கூட ஒரு வேலையையும் அவனுங்களே செஞ்சுக்க மாட்டானுங்க.. எங்க பசங்க வேலைக்கும் போய் நல்லா சம்பாதிப்பாங்க வீட்டுக்கு வந்தும் பொண்ணுங்களுக்கு உதவியா இருப்பங்க!!! பாத்தியா எப்டி அக்கறையா இருக்காங்கன்னு????

யோகேஸ்: ஆமான்டி, அதை நானும் நெனைச்சுப் பார்த்தேன். எங்க வீட்லயும் எல்லா வேலையுமே எங்க அத்தை தான் செய்யும் பாவம். ஒரு சின்ன உதவி கூட எங்க மாமா செய்ய மாட்டாரு, இப்பத்தான் அதையெல்லா யோசிச்சுப் பாக்கலையில, நான் லக்கிடீ..

நித்யா: ரொம்ப சந்தோசம்டி..

(இது கற்பனையல்ல முழுக்க முழுக்க உண்மையான உரையாடல், சரி இது எப்படி உங்களுக்கு தெரியும்னு நீங்க கேட்க வருவது புரியுது, நான்கு பேருக்கு நல்ல மெசேஜ் சொல்லனும்னா ஒட்டுக் கேட்குறது தப்பே இல்லை)

குட்டீஸ்கள்

இந்த குட்டீஸ்களோடு பழகிய ஆறு நாட்களில் நாம இன்னும் பத்து வருடம் பின் தங்கியிருக்கோமோன்னு யோசிக்க வச்சாய்ங்க..

தொழில்நுட்பம், சிந்தனை திறன், பேச்சு, செயல், வரலாறு பற்றிய பார்வை, எதிர்கால திட்டம் என வேற லெவலில் இருக்கிறார்கள்..

ஆரோவில்லில் நடந்த குறும்பட பயிற்சி பட்டறையில் கலந்து கொண்ட மாணவர்கள் நிலா, விர்ஷின், கிருபாகர்..

- சித்து

ஆண்களின் பூர்வீகம் செவ்வாய் பெண்களின் பூர்வீகம் சுக்கிரன்

இல்வாழ்க்கை சிக்கலில் ஆண்களால் பெண்களை சமாளிக்க முடியாத பிரச்சனைகளில்
பெண்களால் ஆண்களை சமாளிக்க முடியாத பிரச்சனைகளில்
சின்ன சின்ன ஈகோ தான் பெரும் நெருக்கடிகளை உண்டாக்குகிறது.

அவற்றை களைவதற்கு என்ன செய்யலாம் என்கிற கைடு என்றே சொல்வேன் இந்த புத்தகத்தை..

இதை ஏன் அப்ளை பண்ணாம விட்டோம்னு நமக்கு தெரிந்ததை மீண்டும் நமக்கே புதிதாய் அறிமுகப்படுத்துகிறது இந்த புத்தகம்.

புதுசா கல்யாணம் பண்ற ஜோடிகளுக்கு புத்தகம் அன்பளிக்க ஆசைப்பட்டால் இதை வாங்கி குடுங்க; உண்மையிலேயே பயனுள்ளதாய் இருக்கும்..

- சித்து

புத்தாண்டு

#Happy_New_Year_2020
#May_all_beings_be_happy


தென்னிந்திய பெளத்த விஹாரில் புத்த வந்தனா சுத்தாக்களோடு ஆரம்பமானது புத்தாண்டு இரவு...

சென்னை புத்த தம்ம சங்க தலைவர் பெளத்த ஜீவா அப்பாவோட இறுக்கமான அரவணைப்பிலும் வாழ்த்திலும் புத்தாண்டு பிறந்தது...

மரியாதைக்குரிய பெளத்த அறவணடிகள் போதி தம்ம தேரோ அவர்களுடன் நிலாதம்மா சங்கத்து உறுப்பினர்களோடு பெளத்த வாழ்வியல் கலந்துரையாடல் நடைபெற்றது...

பகுஜன் சமாஜ் கட்சியின் தமிழகதலைவர் ஆம்ஸ்ட்ராங் அண்ணாவிடமிருந்து புத்தாண்டு வாழ்த்தும் இனிப்பும் பாபாசாகேப் டைரியும் கிடைத்தது...

கோரேகான் வெற்றி தினத்தை சென்னை பாபாசாகேப் மணிமண்டத்தில் கொண்டாடுவோம்...

#ஜெய்_பீம் #நமோ_புத்தாய

- சித்து

பஞ்ச சீலம்

நீயா நானாவில் வருட ஜோதிடம் சொல்பவர்கள் ஒருபக்கம் சினிமாக்காரர்கள் ஒருபக்கம் பேசினார்கள்…

கோபிநாத் கேட்கிறார் யாருக்கு ஜோதிடம் தேவைப்படாதென்று?

ஒரு பெண் ஜோதிடர் சொன்னார் “பஞ்சமா தீமைகள்” செய்யாதவருக்கு ஜோதிடம் தேவைப்படாது.

அதாவது பஞ்சமா தீமைகள் என்று அவர்கள் சொல்ல வருவது

உயிர்வதை செய்யக்கூடாது, திருடக்கூடாது, பிழையுறும் காம செயல் செய்யக்கூடாது, பொய் பேசக்கூடாது,போதையை உண்டாக்கக் கூடியவற்றை எடுத்துக் கொள்ளக் கூடாது.

இதையேத்தானேடா 2500 வருடத்திற்கே முன்பே சொல்லிச் சென்றார் அரஹந்தர் புத்தர்…

பல பிரச்சனைகளின் ஆரம்பமே இந்த ஐந்திலிருந்து ஆரம்பிக்கிறது என்பதாலேயே புத்தரை பின்பற்றுபவர்கள் பஞ்சசீலம் என்று இவையை செய்ய மாட்டோமென அவர் முன் உறுதியேற்கின்றனர்.

#ஜெய்_பீம்
#நமோ_புத்தாய